Засгийн газрын Хяналт хэрэгжүүлэх газрын дарга Чадраабалын Өнөрбаяр Монголын Хуульчдын Холбооны ерөнхийлөгч П.Одгэрэл нар хамтарч ажиллах санамж бичигт гарын үсэг зурж баталгаажууллаа.

Талууд Засгийн газрын дахь хяналтын тухай хуулийн хүрээнд төрийн байгууллага хооронд салбарын ажлын уялдаа холбоог хангах, хуулиас давсан дүрэм журмыг цэгцлэх, төрийн бүтээмжийг дээшлүүлэх, хуулийн нэгдмэл хэрэглээг хангах, шударга ёсыг тогтоох хүрээнд сургалт, судалгаа, хууль тогтоомжийн биелэлт гэсэн гурван чиглэл мөн төрийн албаны шинэтгэл дээр Монголын Хуульчдын холбоотой хамтарч ажиллахаар өмнө нь ярилцаж байсан бол өнөөдөр хамтын ажиллагааны санамж бичигт гарын үсэг зурлаа.

Санамж бичгийн хүрээнд төрийн байгууллагуудад эрх зүйн зарчим дээдлэх, хууль дээдлэх, хууль хэрэглэх асуудал, хуулийн хэрэгжилтийг зохион байгуулах, хуулиар удирдуулдаг, хуулийн зөрчлийн хариуцлага дээр анхаарч ажиллах, шударга ёсыг тогтоох, нийгэмд төлөвшүүлэх шаардлагатайг хоёр тал онцлон дурдаад хамтарч ажиллахаар боллоо.