Засгийн газрын Хяналт хэрэгжүүлэх газрын үйл ажиллагаанд эрсдэлийн удирдлагын тогтолцоог бүрдүүлэн төлөвшүүлэх, эрсдэлийн удирдах үйл ажиллагааг нэгдсэн удирдлага, зохион байгуулалтаар хангах, нийт албан хаагчдын эрсдэлийн удирдлагын чадавхыг бэхжүүлэх сургалтыг 2026 оны 03 дугаар сарын 12-16-ны өдрүүдэд зохион байгууллаа.

Сургалтын хүрээнд “Эрсдэлийн удирдлагын журам”, “Эрсдэлийн удирдлагын хорооны дүрэм”-ийг танилцуулж, асуудал, эрсдэлийг мэдээлэх, бүртгэх, эрсдэлийг тодорхойлох, үнэлэх, эрэмбэлэх, бууруулах, талаар мэдлэг, ойлголт өгч, байгууллагын үйл ажиллагаанд тулгамдаж болзошгүй эрсдэлүүдийг тодорхойлох, тэдгээрийг үнэлэх, эрсдэлийг бууруулах арга хэмжээ боловсруулах чиглэлээр бүлгийн хэлэлцүүлэг, практик дасгал ажил хийж, санал солилцлоо. Тус сургалтаар байгууллагын үйл ажиллагаанд нөлөөлж болзошгүй дотоод болон гадаад орчны эрсдэлүүдийг тодорхойлох, тэдгээрийг удирдах арга замыг хамтран хэлэлцсэн нь албан хаагчдын эрсдэлийн удирдлагын талаарх ойлголтыг нэмэгдүүлэх, байгууллагын үйл ажиллагааг илүү үр нөлөөтэй, тасралтгүй хэрэгжүүлэхэд чухал ач холбогдолтой болсон юм.