МЭНДЧИЛГЭЭ
Хяналт үнэлгээ, хяналт шалгалтыг орчин үед шинэчлэн эхлүүлж буй ажилтан албан хаагчид, хамтран ажилладаг байгууллагууд, хүний эрх, эрх чөлөөг эрхэмлэн дээдлэгч нийт ард иргэд та бүхнийхээ амар мэндийг айлтган мэндчилье.
Засгийн газрын Хяналт хэрэгжүүлэх газар нь яам, агентлаг, аймаг, Нийслэлийн засаг дарга, улсын төсөвт үйлдвэрийн газар,төрийн болон орон нутгийн өмчит хуулийн этгээдийн үйл ажиллагаанд хууль ёсыг сахиулах, сахилга хариуцлагыг дээшлүүлэх, бүтээмжийг нэмэгдүүлэх, хууль тогтоомжийн хэрэгжилтийг хянах замаар төрийн байгууллагын хариуцлагыг сайжруулах, шударга ёсыг сахиулах, төрийн үйлчилгээний хүртээмжтэй, ил тод байдлыг нэмэгдүүлэх зорилго бүхий төрийн байгууллага билээ.
Шударга ёсны зарчим хэрэгжүүлж хүний эрхийн хамгаалагч, эрх зүйт төрийг төлөвшүүлэхэд та бидэнд их ажил, их үүрэг хариуцлага хүлээж байна. Хууль эрх зүйн үйлчилгээг иргэддээ илүү ойртуулах, эрх зүйн боловсролыг дээшлүүлэх ажилд онцгой анхаарч, чиг үүрэг, чиглэсэн зорилтоо амжилттай биелүүлэх шаардлага тулгарч байна. Энэ үүргээ биелүүлэхдээ албаны болон мэргэжлийн ёс зүйг чанд сахиж, мэдлэг боловсролоо дээшлүүлэн, шинэ техник технологи нэвтрүүлэх, хяналтын тогтолцоог боловсронгуй болгох, төрийн байгууллагын шинэтгэлийг эрчимжүүлэхэд манлайлан ажиллана гэдэгт миний бие бүрэн итгэлтэй байна.
Засгийн газрын Хяналт хэрэгжүүлэх газрын дарга
П.БАТБААТАР